سيركو تعلن وظائف رجال إطفاء متدربين بمطار الملك فهد الدولي بالدمام

السلام عليكم اخواني كم المكافئه اثناء التدريب

المقابله الالكترونيه بالعربي او بالانقليزي ؟

ي اخوان وش الوضع توه جاني ايميل مقابلة اونلاين نكمل مع الشركة ولا وضعها تعبان اللي يعرف اي شيي يقول العلمم

السلام عليكم .انا موظف بالشركه نفسها والرواتب فوق 10 الاف الي 16 الف تختلف من مسمى الي اخر .بالنسبه لدوام عندنا .12 ساعه يومين صباح يومين ليل يومين اوف . بالنسبه لكم يالي مقدمين جدد راح يرسلونكم دوره في الجبيل مدتها تقريبا 4 شهور وراح يعطونكم شهاده الدوره.لكن انتبهو راح يجبرونك تجلس معاهم 3 سنوات لانك وقعت على دوره تدريب ودافعين عنك الفلوس .ولو رفضت تدفع 45الف مقابل الشهاده ..اما بالنسبه لرواتب الجدد ماراح يتعدى 5 الاف ريال .الله يوفق الجميع

اللي راحوا اليوم ياشباب وش صار معكم في الاختبار؟؟

كانوا حاطين نفس الإعلان قبل 8 شهور وقدمت ومااتصلوا الا قبل شهر وعليها وسويت مقابلة بالهاتف وعدينا والامور تمام وقالت بتجيك رساله حق تختبر لياقه بدنيه ومن بعدها لاحس ولا خبر واللحين رجعوا طالبين مره ثانيه وتقديم جديد اتوقع انهم مسوين هذي الزحمه عشان يقولون مافيه سعوديين يبون يشتغلون كل مانحط اعلان ماحد يتقدم او يعدي المقابله عشان يجيبون هنود رجال إطفاء لأن هذي الشركه يوجد لها عدة اعلانات في مواقع توظيف في الهند في فترات سابقه تطلب رجال إطفاء من الهند للعمل في مطار الملك فهد الدولي

أنا إتصلوا علي وسوو المقابلة وقالوا لي راح يتصلوا مره ثانية لتحديد وقت الاختبار وبعدها سحبوا ولا اتصلو وحاولت اتصل لهم بعض الاحيان ما يردوا وبعض الاحيان اذا ردوا ترد بنت تقول لي ان راح تسوي اقصى ما يمكن عشان تعرف اذا اسمي من ضمن القائمة المرشحه او لا وتسحب علي صار لها شهر وهي تقول راح تتحقق من الموضوع وللآن ما جا رد منهم حتى ما عرفت اني مقبول والا مرفوض مع ان في موقعهم طلبي تم مراجعته وما فيه اي رفض بس الي يبي يعرف طريقة دوامهم تراها متعبه نوعا ما يومين 12 ساعه صباح ويومين 12 ساعه ليل يعني من 8 الصباح الى 8 المغرب و من 8 المغرب الى 8 الصباح الرواتب 8000 كامل بدون الاوفر تايم يعني بتقضي يومك كله دوام في دوام

انا ماجاني رد ابد واليوم 30 ؟ يعني الي ماجاه رد راحت عليه

شباب حد جاه رد عن مقابلات تاريخ 1/2 مايو

كم المكافأة الشهرية أثناء التدريب؟

بعد مقابله اون لاين يجيك اتصال وتسأل كم سؤال وبعدها راح يجيك أميل فيه موعد يوم 1و 2 مايو، موعد اختبار قدراتك الانجليزيه كتابه، الشي الثاني اختبار لياقه وقوه، الشي الثالث مقابله شخصيه. بالنسبه انا بصراحه غير متحمس مره لأن مده التدريب سنه ونص طويله جدا. والراتب فقط 8000 صراحه اشوفه مايستاهل تننظر سنه ونص. لكن لايمنع انك تجرب يمكن تناسب معاك ومثل ماذكر الأخ اللي في التعليق قبلي تأكد ان مسموح انك تطلع وقت التدريب، نصيحه ياشباب لا تربط نفسك بشي وانت متحمس وممكن تلاقي شي افضل وراتب يناسبك. بصراحه سنه ونص تدريب كثير كثير جدا جدا وليت الراتب يستاهل تنتظره. هذا رأيي شخصيا وانت لك رأيي شوف وضعك وتوكل ع الله

والله انا جاني ايميل وسحبت عليهم بعد ماعرفت انها تدريب سنة براتب طفسة وبعد السنة توظيف استلم 8000 فقط!! سلامات انا اتكلم عن نفسي معي بكالوريوس من جامعة امريكية بتخصص fire safety وموظف كونتراكت حاليا ومن اكثر من سنة بشركة خاصة وبنفس الراتب المعروض بالضبط يعني ماتسوى علي بدال لاتقدم خطوة ارجع خطوات ورا الحمدالله على كل حال هذه يمكن كويسة للي عاطل حاليا ويبحث عن وظيفة وماحصل شي الى الان بس يتأكد قبل لايوقع اي شي انه بستطاعته الانسحاب من التدريب بأي وقت بدون اي عتبات عليه ماتدري يمكن يجيك عرض اقوى وتحصل فرصة بمكان افضل لان سنة فترة مش 5بسيطة المهم لا احد يستسلم انا قعدت سنة من جيت من امريكا ومعي الشهادة بحثت وقدمت على كل شي حتى موظف استقبال قدمت ولا فيه فايدة لين الله ارزقني بهذه الوظيفة اللهم لك الحمد حتى ولو انها عقد ومش قد الطموح ابدا الا انها افضل من القعدة عطالي بطالي اهم شي تكتسب حبرة واحتكاك مع اهل الخبرة راح تفيدك مستقبلا وبرضو من فترة جتني عروض ومقابلات وان شاءالله الخير جاي بقبال بس على فكرة ماجتني الا بعد ماتوظفت وهذا يدل على ان الخيرة سلاح قوي ومهم جدا لازم تتسلح فيه وتأكد كل مازادت الخبرة زاد الطلب عليك وتهافتت عليك الشركات لكسب رضاك وودك المهم لا احد ييأس ويفقد الامل الارزاق بيد الله والله يرزقكم بحجكم امنياتكم. اسف على الاطالة حبيت بس اختصر تجربتي وافيد الي ماعنده تجربة والله يوفقكم جميع.

اول شي المقابلة قفلت لها اسبوع وثاني شي المقابلة كانت بالانجليزي وثالث شي رسايل القبول 1 مايو و 2 مايو يعني بعد اسبوع وسلامتكم .

كيف سويت المقابله الاونلاين وايش سألوك وهل بالعربي ولا الانجليزي

ماجاني رد وانا مسوي المقابله اون لاين واتوقع الردود هذا الاسبوع اللي يجيه شي يعلمنا ولا عليكم امر

وين رابط المقابله في اي صفحه يا شباب؟ هل هم يتصلو ويسوون مقابلات اون لاين ولا نروح لهم ولا رابط ندخل عليه اتمنى الي عنده معلومات اكيده يكتبها عشان نستفيد بدون مبالغه وتحطيم

المقابلة مافتحت معي يطلع علا البريد علامه حمراء ، اللي فتح المقابله يفيدني كيف فتحها

وش صار ياشباب احد جاه رد قبول او رفض الشركة ماردت اي خبر

Abo shumukh صدق التدريب سنه ونص مو معقوله ووين راح يكون فتره التدريب ، من اللي جاه رد عليهم انا سويت مقابله اون لاين بس محد كلمني

مده التدريب سنه ونص يعطونك مكافأه شهريه، بعد ماتخلص فتره التدريب راتبك ع حسب كلامهم 8000 الاف، دوام 8 ساعات يوميا، خمس ايام في الاسبوع، المشكله فتره التدريب سنه ونص طوووويله جدا، يكدووووونك كدددد وكأنك موظف وعلى راتب طالب ومده عقد الشركه مع المطار ع حسب علمي مو طويل مره ، يعني يخلونك اطول مده انك متدرب عشان لاتحسب عليهم راتب كامل ولا يمديك تخلص فتره التدريب الا و ع شك انتهى عقدهم مع المطار وراح اغلب وقتك وانت متدرب وهاذي الحركه طاحوا فيها اغلب الشركات ، نصيجه ياشباب لا يستغلوكم واقرى وخذ معلومات، ودايم اغلب التدريب المعقول يتراوح مابين 3 اشهز الى 6 اشهر الا الشركات الكبيره متل ارامكوا تاخذ وقت اطول، و دايم الخبره من ممارسه العمل مو من التدريب، والله يوفقنا وياكم.

متى القبول ياشباب انا ماجاني شي جاني على الاميل مكتوب انتظر الرد

ياشباب احد انقبل في الشركة جاكم رد

يا اخوان كم رواتبهم انا مسجل بالدبلوم

الله يسعدك يا رب ويسر امرك يارب وربي طفشان من البطالة خلوها على وبس كيف طريقتة تقديم عيويقبلوني

يا اخوان كم الرواتب ضروري اللي يعرف يعلمنا

تكفون كيف تسجيلها في الموقع مكتوب التقديم مفتوح ولا فتح ممكن تفيدوني كيف تقديمهها

المقابلة سهلة اول شي تفتح الرابط وتدخل على المقابلة اللي سؤالين : الاول يقول إين انت ساكن في السعودية و ماهي مؤهلاتك العلمية. الثاني : لماذا انت اخترت العمل في الاطفاء. طبعاً اول ماتبدا المقابلة انتبه للوقت عشر ثواني تقرأ السؤال ثم 20 ثانية تجاوب على طول. والله يوفقنا جميعاً.

شباب الله يرحم والديكم اللي سوا مقابلة الاولين يعلمنا وش سالوه وكيف طريقة المقابلة الله يوفقكم جميع

شباب الي عملتو المقابلة علمونا كيف كانت وشنو الاسئلة عشان نجهز لها قبل نعملها بلا امر عليكم وجزاكم الله خير

المقابلة عربي ولا انجليزي

يا مرحبا شباب بالله ألي سوا المقابله يفيدنا شوي وشوً نوع الأسئلة و عن وشوً كانت و كيف الطريقة .؟ ربي يوفقكم

ياشباب وضحو لنا الرقم الي اتصلو عليكم انا سويت المقابله بس محد اتصل علي

انا مقابلتي الانلاين جبت فيها العيد. بعد المقابله ع طول اتصلو لي رقم خارجي سألتني مقدم ع وظيفه كذا كذا قلت اي ... بس ماعطوني لا خير ولا شر

شوضع المقابله اون لاين ماعرفت لها اجباري ولا عادي

اللي اتصلوا عليهم وش قالوا لكم؟ واللي اجرى المقابلة اون لاين وش نوع الاسئلة؟

جاتني رساله على الايميل مقابله اون لاين سويتها يسالك اساله وترد عليه بس مقابله فاشله مدري ليه حاطينها اون لاين

السلام عليكم ورحمة الله وبركاته الان وصلني ايميل منهم بالمقابلة اون لاين احد منكم ي شباب عمل المقابلة وكيف طريقتها

نفس الشي جاتني رساله بعدها اتصلو عليي رقم من الامارات

جاتني رساله على الايميل مقابله شخصيه اون لاين

عبده من اليمن يشرفني الانظمام لشركتكم المحترمه حاصل على دبلوم مهني عالي

السلام عليكم اتمني ان اكون الرجال المناسب في المكان المناسب واتمني اتاحه الفرصه لي لكي اكون احد اعضاء الفريق . وشكرا

راح اسجل الان وعسى الله يكتب الي به الخير

ياشباب الواحد يسجل والباقي على ماندري صدق الشركة من كذبها انت سو الي عليك والباقي على الله سجل وانسى امر التسجيل إذا جاك القبول ممتاز إذا مجاك اعتبرها خيره من الله

ارجو قبولي لديكم

والله انك صادق يا مجرد حكي والله انه مجرد حكي ونصب في نصب كل سنه على هالموال ولاسمعنا عنها شي ولاطلعت النتائج اصلن اسم انى حطينا اعلان قدام المدراء

كل المواصفات المطلوبه متوفره لدي لكن لست مقيم حتي الآن أسكن جيزان وانا مهندس ميكانيكي ولدي ده في انظمه إطفاء الحرايق

والله كذابيييين سجلنا فيها صار لنا اكثر من سنه وهذي شركة كل شخر تطرح وظيفه وبالاخير ماتعلن عن اللي تم قبولهممم لانه الوظايف معروفه راحت لمين وشكرا